Baile beag ar bhruacha abhainn an Chnoic is ea Uachtar Ard (Béarla: Oughterard, a chiallaíonn ‘airde ar uachtar na habhann’). Tá an baile cóngarach do bhruach thiar Loch Coirib i gCo. na Gaillimhe. Bhí daonra 1,305 ag an mbaile in 2006. Tá sé suite 26 ciliméadar thiar thuaidh ó chathair na Gaillimhe ar bhóthar an N59 agus príomhionad iascaigh Loch Coirib is ea é. Cuirtear Tá an baile ar thairseach Chonamara agus mar sin de, cuireadh an Gateway to Connemara air i mBéarla.

Trí chiliméadar ón mbaile féin, tá fothracha Chaisleáin Achadh na nIúr, sampla deas caomhnaithe de thúrtheach Normannach is ea iad. Ba le clann Uí Fhlaithearta formhór an cheantair máguaird go dtí gur ghlac Walter de Burgh, chéad iarla ar Ulaidh, seilbh ar na tailte in 1256. Tá Caisleáin an Rosa suite cúpla ciliméadar lasmuigh de bhaile Uachtar Ard freisin. Thóg clann Uí Mháirtín an Teach Mór, atá fós infheicthe inniu, sa 17ú céad. Ach fós féin tá fianaise ann i gcónaí den bhunstruchtúr a bhí ar an suíomh roimhe sa dúshraith, caisleán a thóg clann Uí Fhlaithearta sa 15ú céad (féach https://vimeo.com/72311211). Tá cúrsa gailf lonnaithe laistigh de thailte Chaisleáin Rosa.

Tá droichead cáiliúil suite 8 gciliméadar siar ó Uachtar Ard, síos bóthar na Léime. Cuirtear droichead an fhir chiúin (Quiet Man Bridge) air, mar gur anseo a taifeadadh an scannán cáiliúil The Quiet Man sna 1950í in éidí le John Wayne agus Maureen O’Hara.